Øving 4

Om øvinga
– ei pusteøving

Stram og slepp er ei avspenningsøving som handlar om å bli medviten på muskelspenningar i kroppen. Når vi strammar og så slepp musklane, kan vi lære å merke skilnaden mellom spenning og avslapping. Ved å veksle mellom å stramme og sleppe kan spente musklar lettare sleppe taket, og vi vert rolegare og meir avslappa i kroppen. Du kan bruke øvinga som ei pause, for å hjelpe konsentrasjonen og redusere uro i kroppen.

Start med å stå eller setje deg i ei behageleg stilling. Lukk auga om du vil, og ta nokre djupe pust. Stram hendene og armane så hardt du kan, hald i fem sekund, og slepp opp. Kjenn skilnaden mellom spenning og avslapping. Hald fram med andletet, nakken, skuldrane, magen, beina og føtene, éi muskelgruppe om gongen. Kvar gong du slepp opp, legg merke til korleis kroppen kjenst lettare og meir avslappa. Når du er ferdig, ta nokre rolege pust og strekk forsiktig på kroppen før du opnar auga.