Om morsmål.no
Nettsida morsmål.no rettar seg mot tilsette i barnehage, skule og til alle som arbeider for å utvikle språkleg og kulturelt mangfald i utdanningsløpet.
Gratis fleirspråklege ressursar
På morsmål.no blir det publisert gratis fleirspråklege ressursar til bruk i barnehage og skule. Nettsida skal samle og utvikle ressursar for fleirspråkleg arbeid i barnehagen, og morsmålsopplæring og tospråkleg fagopplæring i skulen. Eksempel på ressursar er tospråklege fagtekstar om tema innanfor fagområda til skulen, songar, forteljingar, rim og regler eller lenker til andre ressursar og nettsider som er relevante for målgruppa.
![Litauisk kopi](https://morsmal.no/wp-content/uploads/2022/01/Litauisk-kopi.jpg)
![Adbi og Osman](https://morsmal.no/wp-content/uploads/2022/08/Abdi_og_Osman.jpg)
Bakgrunn
I stortingsmelding 23, Språk byggjer bruer, initierte Kunnskapsdepartementet eit nordisk samarbeid om digitale læringsressursar på ulike språk. Sverige hadde sidan 2001 hatt ei side som heiter Tema Modersmål, og Noreg ønskte å laga ein norsk versjon av denne sida. Utdanningsdirektoratet fekk i 2009 i oppdrag å samarbeide med Sverige om å utvikle ei liknande norsk side. Den norske versjonen blei lansert 22. Oktober 2009, og frå 1. januar 2011 tok NAFO over ansvaret for sida.
Kontaktinformasjon
![Lene Ostli BW lav](https://morsmal.no/wp-content/uploads/2019/06/Lene_Ostli_BW_lav.jpg)
![](https://morsmal.no/wp-content/uploads/2022/08/Kevin-bw-lav-til-hjemmeside.jpg)
![Sissel persen BW lav](https://morsmal.no/wp-content/uploads/2019/06/Sissel_persen_BW_lav.jpg)
![](https://morsmal.no/wp-content/uploads/2023/01/Isabel-150x150.jpeg)
![Elise.jpg](https://morsmal.no/wp-content/uploads/2019/06/Elise.jpg)
Nettverk
NAFO har samarbeid med tospråklege lærarar, tospråkleg personale frå barnehagar og andre ressurspersonar. Saman utviklar vi ressursar på fleire språk til praksisfeltet. I tillegg ønskjer vi å formidle fleirspråklege ressursar som er utvikla og laga av andre, og som kan inspirere til fleirkulturelt og fleirspråkleg arbeid i barnehage og skule. Gjennom arbeidet til NAFO får nettsida stadig innspel frå fag- og praksisfeltet. På den måten kan vi vere ei nettside som blir oppfatta som relevant for tilsette i barnehage og skule og for alle som arbeider for å utvikle språkleg og kulturelt mangfald i utdanningsløpet.