Sang om vennskap og samarbeid // ஒற்றுமை

ஒற்றுமையாய் கூடுவோம்

ஒன்றாகவே ஆடுவோம்
உலகம் எங்கள் கையில் என்று
உரிமை கொண்டு பாடுவோம்

காற்றும் எங்கள் ஆணை கேட்கும்
கடலும் எங்கள் பாதம் நக்கும்
வேற்றுக் கிரகம் கூட எங்கள்

விழி அசைவைப் பார்த்து நிற்கும்

நேற்றி ருந்த மாந்தர் தந்த
நெறியை நன்கு போற்றியே
ஏற்றம் மிக்க மானு டத்தின்
எலும்பு நிமிரப் பாடு வோம்

எறும்பு போலச் சுறுசுறுப் பாய்
என்றும் வாழப் பழகு வோம்
இரும்பு போல உறுதி யான
இதயம் கொண்டு நிமிரு வோம்

யுத்தம் அற்ற உலகை ஆக்கும்
யுக்தி பெற்ற சிறுவர் நாம்
இரத்த வெறிப் பேய்கள் அற்ற
இனிய உலகை ஆக்குவோம்.