Lucia // Lucia

Ipinagdiriwang ang Araw ng Lucia tuwing ika-13 ng Disyembre. Sa Norway, ang araw na ito ay nauugnay sa dalawang kuwento. Ang kuwento ng nakakatakot na Lussi at ang kuwento ng Santa Lucia.

Ang Nakakatakot na Lussi

Noong unang panahon, naniniwala ang mga tao na ang gabi sa pagitan ng ika-12 at ika-13 ng Disyembre ang pinakamahabang gabi sa taon. Ang gabing ito ay tinawag na Lussi langnatt o Lussinatt. Alam natin ngayon na ang pinakamahabang gabi sa taon ay tinatayang sa ika-21 ng Disyembre.

Naniniwala ang mga tao na ang Lussi langnatt ay mahiwagang gabi. Naniniwala sila na ang mga hayop ay maaaring mag-usap sa isa’t isa sa gabing ito. Ang Lussi langnatt ay simula ng panahon ng Pasko. May kwento tungkol kay Lussi, isang mahiwaga at madilim na nilalang. Sinusubaybayan ni Lussi kung ang lahat ay abala sa paghahanda para sa Pasko. Kung hindi natapos ang mga gawain, maaari siyang dumating at takutin ang mga tao. Kung ikaw ay nasa labas sa Lussi langnatt, maaari ka pang kunin ni Lussi. Kaya’t nanatili sa loob ng bahay ang mga tao sa Lussi langnatt at siniguradong nasimulan na ang mga paghahanda para sa Pasko. Isa sa mga gawain ay ang pagbe-beyk. Gumamit sila ng pampalasa tulad ng saffron o luyang dilaw upang magkaroon ng dilaw at magandang kulay ang mga tinapay. Ang dilaw na kulay ay nagpapaalala sa mga ilaw na sinisindihan sa madilim na Lussi langnatt. Ang dilaw na kulay ay nagpapaalala rin sa lahat na ang madilim na panahon ay malapit nang matapos at ang mga araw ay muling liliwanag.

Sa ngayon, patuloy pa ring nagbe-beyk ng mga tinapay na may pampalasang saffron o luyang dilaw para sa Araw ni Lucia tuwing ika-13 ng Disyembre. Ang mga tinapay na ito ay pinapalamutian ng mga pasas at tinatawag na “Lussekatter”.

Maleriet «Julereia» (1922) av Nils Bergslien viser et følge av underjordiske, vetter, nisser, trollkjerringer, drukkenbolter, drapsmenn og annet pakk gjennom et norsk gårdstun julenatta.
 Ang larawang “Julereia” (1922) ni Nils Bergslien ay nagpapakita ng mga nilalang sa ilalim ng lupa, mga duwende, espirito, kapre, lasenggo, mamamatay-tao at iba pang mga nilalang na dumadaan sa bakuran sa gabi ng Pasko. Nils Bergslien [Public domain or Public domain], via Wikimedia Commons

Mga gawain para sa teksto tungkol kay Lussi

  1. Forklar hva Lussi langnatt er.  
  2. Fortell hvem Lussi er. 
  3. Hvorfor var folk redde for Lussi? 
  4. Når er nordens lengste natt?
  5. Hva heter bollene som bakes til Lucia?
  6. Hva symboliserer fargen av bolledeigen?
  1. Ipaliwanag kung ano ang Lussi langnatt.
  2. Sabihin kung sino si Lussi. 
  3. Bakit natatakot ang mga tao kay Lussi? 
  4. Iguhit kung ano sa tingin mo ang hitsura ni Lussi.
  5. Kailan ang pinakamahabang gabi sa mga bansang nasa hilaga?
  6. Ano ang tawag sa mga tinapay na niluto para kay Lucia?
  7. Ano ang sinisimbolo ng kulay ng masa ng tinapay?

Sankta Lucia // Santa Lucia

Ipinagdiriwang ang Araw ng Lucia tuwing ika-13 ng Disyembre upang gunitain ang Banal na Lucia o Santa Lucia. Ang pangalang Lucia ay nagmula sa salitang Latin na “lux”, na nangangahulugang liwanag.

Si Lucia ay nabuhay noong bandang ika-300 taon sa Sicilia, Italya. Siya ay Kristiyano at naniniwala kay Hesus Kristo. Sa panahong ito, ang mga Kristiyano ay inuusig ng mga Romano. Si Lucia ay ipinangako sa isang mayamang lalaking Romano, ngunit tumanggi siyang magpakasal. Ang mayamang lalaking Romano ay nagalit at nasaktan. Sinabi niya sa mga namumuno sa bansa na si Lucia ay Kristiyano. Dahil dito, siya ay pinarusahan ng mga Romano at namatay bilang martir. Ang martir ay isang taong namamatay para sa kanyang sariling pananampalataya. Maraming kwento tungkol sa kabutihan ni Lucia. Si Lucia ay naging isang Kristiyanong santo. Sa panahon na nabubuhay si Lucia, ang mga Kristiyano ay kailangang mamuhay nang patago. Ang ilan ay nagtago sa madilim na mga lagusan sa ilalim ng lupa. Naglagay sila ng mga kandila sa kanilang ulo upang magbigay liwanag sa loob ng mga lagusan. Ang mga Kristiyano ay inisip si Lucia bilang batang babae na nagpakita ng daan patungo sa pananampalataya sa isang madilim na panahon.

Barn som bærer lys og som går luciatog.
Illustrasjon: AdobeStock

Sa ilang lugar, ipinagdiriwang ang Araw ni Lucia sa mga paaralan at mga kindergarten. Ang mga bata ay nagmamartsa sa prusisyon ng Lucia at nakasuot ng puting damit. Karaniwan na may isang nauuna sa parada na may suot na korona ng mga kandila sa ulo. Ang iba ay sumusunod at may dalang mga kandila o bituin sa kanilang mga kamay habang kumakanta ng awit ni Lucia. Ang mga magulang at iba pang mga bisita ay madalas na iniimbitahan upang manood ng prusisyon ng Lucia. Pagkatapos, kumakain sila ng Lussekatter kasama ang mga bata.

Mga Gawain para sa teksto tungkol kay Santa Lucia

  1. Fortell oss hva som feires 13. desember. Sabihin sa amin kung ano ang ipinagdiriwang tuwing ika-13 ng Disyembre.
  2. Hvem minnes på Luciadagen? Sino ang ginugunita sa Araw ni Lucia?
  3. Hva betyr navnet Lucia? Ano ang ibig sabihin ng pangalang Lucia?
  4. Kjenner du til andre dager hvor man minnes en person som har levd? Alam mo ba ang iba pang mga araw kung saan ginugunita ang isang taong nabuhay?
Illustrasjon av 5 barn som går i et tog med hvite klær og lyd på hodet i et Luciatog
PROCESSION DE LA SAINTE LUCIE