Fornybare energikjelde
I kvardagen vår brukar vi mykje straum. Denne straumen får vi frå ulike energikjelder. Det finst to typar energikjelder: fornybare energikjelder og ikkje-fornybare energikjelder. I denne teksten skal vi sjå på fornybare energikjelder.
At ei energikjelde er fornybar, betyr at vi ikkje kan bruke ho opp. Ny energi blir laga heile tida gjennom prosessar i naturen som går av seg sjølv. Eksempel på denne typen energikjelder er vassenergi, vindenergi og solenergi. Alle desse tre energikjeldene får energien sin frå sola. Sola gir energi til dei tre energikjeldene på litt forskjellige måtar.
Vasskraft
Vassenergi er energi som kjem frå rennande vatn. I Noreg har vi mykje rennande vatn i fossar og elver, og dette kan vi utnytte for å produsere energi. Det er sola som gjer at vatnet på jorda begynner å bevege på seg. Sola varmar opp vatnet slik at det fordampar. Deretter blir vatnet lagra i skyer, som til slutt regnar tilbake ned på jorda. På jorda renn vatnet i elver og fossar ut til havet.
Vindkraft
Sola varmar òg opp lufta som gjer at den beveger på seg. Dette kjenner vi som vind. Det at lufta beveger på seg, kan vi bruke til å produsere energi. Vi kan utnytte denne energien ved å setje opp vindmøller. Vindmøller er ikkje ei ny oppfinning, men har blitt brukt lenge, blant anna til å male korn og lage mel.
Solenergi
Energien få sola kan blant annet brukast til å varme opp både vatn og husa vi bur i. Energien frå sola kan òg brukast til å lage elektrisitet ved bruk av det vi kallar solceller.
