እቲ ውሽጣዊ ክፋል ኣካላት ብደይጠሊ/ድሩቕ ንኽዕቀብ ኣስተዋጽኦ ይገብር።

ረቂቕን ብቐጥታ ናብ ቆርበት ጥብቕ ድብልን ጡጥ ናይ ውሽጢ ክዳን ወይ ሱፐር ኣንደርቶይ (ብሉጽ ክዳን ውሽጢ) ተጠቐም። ጡጥ ብዙሕ ጠሊ ካብ ቆርበት ስሒቡ የርሕቖን ዋላ ጠልቅዩ ከሎ ድማ የከላኸሎን። ሱፐር ኣንደርቶይ (ብሉጽ ክዳን ውሽጢ) ካብ ጡጥ ናይ ውሽጢ ክዳን ንላዕሊ ጠሊ ስሒቡ የርሕቕ እንተድኣ ጠልቅዩ ግን ኣይከላኸልን ኢዩ። ቡም ኡል ብውሽጢ ምጥቃም ኣወግድ ምኽንያቱ ምስጠልቀየ ሙቐት ናይ ምዕቃብ ክእለቱ ስለደጥፍእ።

እዚ ማእከላይ ክፋል ቅድም ቀዳድም ቁሪ ኢዩ ድከላኸል።

እቲ ኣብ መንጎ ውሽጣዊን ግዳማዊን ክፋላት ድርከብ ኣየር ኢዩ ነቲ ሙቐት ድዕቅቦ። ስለዚ እቶም ኣብ ማእከላይ ክፋል ድኾኑ ክዳውንቲ ካብ ኣካላት ቁሩብ ዝልቕ ድበሉ ኣዝዮም ዓበይቲ ክኾኑ ማለት ግን ኣይኮነን። ጡጥ ወይ ከኣ ፍሊስ ተመራጺ ኢዩ። ርጉዲ ንመጠን ናይ’ቲ ደሎ ዋዒ ድሰማማዕ ግበር።

ኣእጋር መታን ምዉቕን ድሩቕን/ጠሊ ደይብሉን ክኸውን ናኣይ ጡጥ ካልሲ ተጠቐም።

እቲ ግዳማዊ ክፋል ንንፋስ ፣ ዝናብን ወርጪን ይከላኸል።

ካብ ምሉእ ኮምብላስዮነን ወይ ስረን ጃኬትን ክትመርጽ ትኽእል ኢኻ። እቲ ግዳማዊ ስረ ወይ ኮምብላስዮነ ንላዕሊ ምስብሳብ ከወግድን ከምኡውን ማይን ወርጪን ዘሪቑ ናብ ሳእኒ ከይኣቱ ድዓጹን ምስ ሳእኒ ብታሕቲ ድእሰር ገመድ ክህልዎ ይግባእ።

ሓደ ጽቡቕ ሙቐት ድዕቅብ ናይ ጎልፎ ቆቢዕ ምሉእ ኣካላት ንኽመውቕ ኣገዳሲ ኢዩ ምኽንያቱ ብዙሕ ሙቐት ብርእሲ ኣቢሉ ስለዝወጽእ። እቲ ጎልፎ ቆቢዕ ኣእዛን ፣ ገንበርን ምዕጉርትን ከምድሽፍን ኣረጋግጽ። ክሳድ ንምክልኻል ድማ ሻርባ ወይ ናይ ክሳድ ሃልስ ተጠቐም። ምዉቕን ማይ ደየሕልፍን ጓንቲ ተጠቐም ፣ ማይን ወርጪን ከይኣትዎ ድማ ጽቡቕ ከምደሎ ተኸታተል። ቆልዑ እግሮም መታን ክሞቑ ብዓባይ ዓባይቶ እግሮም ክንቀሳቐሱ ክኽእሉ ኣለዎም። ስለዚ እቲ ሳእኒ እንከላይ ንረጒድ ናይ ጡጥ ካልሲ ድኸውን እኹል ቦታ ክህልዎ ኣገዳሲ ኢዩ።